Presento 6 monotipos sobre tea, dispostos en cuadrícula, para o espazo Pombal Gallery, en diálogo co mestre de bonsáis Manuel Germade.

Constrúo paisaxes reciclando elementos naturais, coas súas pegadas incorporadas con sprays acrílicos e dándolle presión ás formas e as cores, empregando o tórculo. 

Camiñando, a mirada foise ampliando e dirixindo á espesura da vexetación, captando a relación entre a luz, as malas herbas e as ramas entrecruzadas de árbores e arbustos. Atraído polo crecemento natural, afastado do punto de vista da utilidade e a orde produtiva, o estudo énchese de maleza, coa miña necesidade de incorporar crecemento libre, silvestre, vigoroso e adaptado ao medio. 

Exprésase a vibración orgánica na obra, a idea do cambio e da impermanencia.